حـــــــــبيبتي

له صورة رسمتها بصدق الاحساس
بروازهـا بـيـن الـهـدب والجفـونـي
صورة رضـا رسمتهـا بكـل مقيـاس
لونتهـا مــن لــون وردي شجـونـي
رفعتـهـا عــن كل شـايـن وبلاس
سميتها حـبـي وشـوقـي وجنـونـي
ماهـي عمـل فنـان هـاوي بقرطـاس
ولاهـي عمـل وانتـاج دار الفنـونـي
احـب اهديـهـا لـواحـد مــن الـنـاس
حبـه شـكـل ثـانـي وطبـعـه حنـونـي
احبـهـا ولحـبـهـا ينـحـنـي الـــراس
ولـو مانحنـى راسـي تعافـه متـونـي
مبني لها عرش المحبه على سـاس
اخضع لهـا بالقـول وارخـي عيونـي
اغلى مـن الياقـوت والـدر والمـاس
ياهـل العقـول الناصـحـه جاوبـونـي
حبيبتي ياهل ترى من اي الاجنـاس
حبيبتـي يـاهـل تــرى مــن تكـونـي