حبك وانت حبك زى نسمة تروح وتيجى
زى شمس تغيب وتطلع
زى نار باردة فى ايدى
زى طير هاجر
وغصب عنه لعشه بيرجع
بحبك وانت حبك زى همس فوق شفايفى
مالى حياتى بالغنا
زى حلم جوا عيونى ملوش عن الامل غنى
زى قلب طاير من غير جناح بين ا لصدور
زى شفايف مجروحة ومتبسمة
حبيبي انت طيف امل مجروح فى حلمى
صورتك ساكنة فيا جوا قلبى
بسمع سكوتك ..... بسرح فى صوتك
بعشق كلامك من غير كلام
بغرق فى بحر من الاحلام
ولسة
لسة احلامى بتنزف امل مجروح
لسه عيونى بتخنق طير مدبوح
لسة بغنى بصوت مبحوح
كبير قلبى مش كدة
عارف ليه
ولا متعرفش
الاحسن متفكرش
العقل له ديابة بتموت من الجوع
والحب اصلة غابة مفيهاش طريق رجوع
بحبك
بحبك وانت زى نجمة بتنحرق
عشان مكانها مش هناك
بحبك وانت زى بسمة بتنسرق
من فوق شفايف الورود
بحبك ... بحبك وهفضل احبك
لو خدونى من هنا لهناك
لو جابونى لدنيا فيها كل الحاجات
لو حطونى جوا حدود من غير حدود
انا كدة مخلوق كدة
معرفش اكرة
ولية اكرة مدام ليا قلب
ولية اكرة مدام بعرف احب
صدقني القلب اللى حب مستحيل يوم يكرة
افهمنى اليوم اللى فات فيه شعاع نور لبكرة
انا كدة مخلوقة كدة
انا عاشقة ومش معشوقة ... انا طاير بقلبى لفوق
وانا طيرى مهوش مخلوق ... عشان يحب ملاك حانى
بيجرى الحب جوا عروق ... ومن نارة ومرارة بدوق
انا قلبى يا دوب مخلوق .... عشان يحب ويعانى
انا باكى كما الساقية ... لسه فيا امل باقية
عيون الناس مهش لاقية ... دموع تدارى احزانى
انا شاكى كما الناى ... انا راحل انا جاى
ومش هقولك لية وازاى ... تزيد نارى وحرمانى
انا نسمة ربيع هلت ... انا نور شموس طلت
وطلعت فيك واتملت ... وخافت تبقى جرحانى
انا بحر عال الموج ... راحل لوحدى مش فى فوج
انا واهب بس الموج ... بيسرق منى احسانى
انا مجروح زى طير ... ملهوش وطن فية يطير
ومهما هاجرت وبعدت كتير... اكيد راجع لاحزانى
انا كدة مخلوق كدة
عايز اية ؟
هه...
قلبى
قلبى اهوة بين ايديك ... احضنه برموش عينيك
كل حاجة في قلبى ليك ... بتناديك اسكنه
حبى ليك فى قلبى باقى ... حب كامل مش بواقى
فى جمالك مين هلاقى ... اوعى قلبى تجرحه
حتى لو جرحتة وقتلت الاحساس اللى فيه
هيفضل يحبك
بحبــك
بحبـــــك
بحبــــــــــك